Maqedoni, opozita nis protestat në tetor
01/10/2010 12:00
Opozita maqedonase, e udhëhequr nga Lidhja Socialdemokrate, do të nisë nga muaji i ardhshëm një valë protestash kundër qeverisë.
Lajmin e kanë bërë të ditur vetë përfaqësues të LSDM-së, sipas të cilëve protestat do të nisin më 11 tetor në Prilep.
Sipas burimeve, ky qytet është zgjedhur pasi konsiderohet si simboli i kryengritjes ndaj pushtuesve gjermanë gjatë Luftës së Dytë Botërore.
Në këtë protestë do të jetë i pranishëm edhe kryetari i LSDM-së, Branko Cervenkovski, si dhe krerë të partive të vogla opozitare.
Protestat janë një shenjë ndaj keqqeverisjes së partisë në pushtet VMRO/DPMNE dhe kryeministrit Nikolla Gruevski, shtojnë më tej burimet.
Top Channel