EULEX bastis zyrat e komunës së Skënderajt
28/09/2010 10:30
Ngjarje e rëndë në Kosovë, tre të plagosur me armë zjarri dhe një tjetër me thikë 01/05 17:18
Policia e misionit EULEX ka bastisur në orët e para të mëngjesit të sotëm banesën dhe zyrat e kryetarit të komunës së Skënderajt, Sami Lushtaku.
Lajmin e ka bërë të ditur vetë misioni ndërkombëtar për rendin dhe ligjin përmes një komunikate për shtyp.
Sipas këtij njoftimi, kontrollet janë kryer pasi Lushtaku dyshohet për abuzime me procesin e ndarjes së banesave sociale.
Operacioni është mbështetur nga njësia e posacme anti-korrupsion pranë Prokurorisë Speciale të Kosovës, si dhe është kryer në praninë e policisë kosovare.
Bastisjet e EULEX janë bërë të zakonshme në Kosovë. Ato nuk kanë kursyer as zyrat e ministrave dhe zyrtarëve të tjerë të lartë, por analistët shprehen se misioni duhet t’i provojë akuzat e tij dhe jo të bëjë vetëm spektakël.
Top Channel
