Kosovë, dy shpërthime trondisin Zvecanin
27/09/2010 15:20
Vrasja e 14 vjeçares, Turqia do të ekstradojë të dyshuarin kryesor për ngjarjen makabër që tronditi Maqedoninë e Veriut 30/04 18:14
Dy shpërthime të fuqishme të ndodhura gjatë natës kanë tronditur banorët e qytezës së Zvecanit, në Kosovë.
Sipas raportimeve të mediave kosovare, shpërthimet kanë ndodhur në shtëpinë e një gazetari serb dhe në lokalin e një banori tjetër me kombësi të njëjtë.
Sipas burimeve, gazetari serb është kryeredaktori i “Radio Mitrovica”, Casllav Milisavlevic, ndërsa lokali i sulmuar i përket familjes Stojkovic.
Burimet njoftojnë se dy shpërthimet për fat të mirë nuk kanë shkaktuar viktima, por vetëm dëme materiale.
Shtëpia e gazetarit Casllav Milisavlevic është sulmuar po me eksploziv edhe disa muaj më parë, shtojnë më tej burimet.
Zvecani është një zonë e banuar tërësisht nga popullsi serbe, përvec një bukëpjekësi shqiptar.
Top Channel
