Thaci e Sejdiu kërkojnë njohjen nga Kuvajti

22/09/2010 09:10

Presidenti Fatmir Sejdiu dhe kryeministri Hashim Thaci kanë marrë pjesë në takimin vjetor të Nismës Globale Clinton, që mblodhi liderë dhe ish-liderë shtetesh nga e mbarë bota.

Gjatë ceremonisë, sipas Telegraf, Thaçi dhe Sejdiu patën një takim me ish-presidentin amerikan Bill Clinton, ku u diskutuan tema që kanë të bëjnë me arritjet e deritanishme dhe mundësitë zhvillimore të Republikës së Kosovës dhe për thellimin e mëtejshëm të marrëdhënieve miqësore me Shtetet e Bashkuara të Amerikës.

Kryeministri Thaçi, i shoqëruar nga presidenti Sejdiu dhe ministri i Punëve të Jashtme, Skender Hyseni, po kanë zhvilluar një takim edhe me kryeministrin e Kuvajtit, Sheikh Nasser Al-Sabah. Liderët kosovarë gjatë takimit, ritheksuan kërkesën e tyre për njohjen e pavarësisë së Kosovës nga ana e Kuvajtit.

Top Channel