Serbia dhe Maqedonia lehtësojnë lëvizjen
18/09/2010 18:45
“Duhet të insistonim më shumë në zbatimin e Asociacionit”, Escobar: E vështirë, por ka pasur vullnet nga të dyja palët 17/05 09:33
Qytetarët e Maqedonisë dhe Serbisë në të ardhmen do të mund ta kalojnë kufirin duke u paraqitur autoriteteve vetëm letërnjoftimin.
Iniciativa në fjalë u diskutua sot në Shkup mes ministres së Brendshme maqedonase, Gordana Jankulovksa dhe homologut serb Ivica Dacic.
“Iniciativa është reale dhe e mundshme. Maqedonia i mbështet nismat që lehtësojnë qarkullimin e njerëzve dhe mallrave”, ka deklaruar Jankulovska.
Ndërsa Dacic, nga ana e tij u shpreh se Serbia e ka aplikuar këtë regjim edhe me Malin e Zi dhe Bosnje e Hercegovinën.
I pyetur nga gazetarët nëse një gjë të tillë do ta bënte edhe me Kosovën dhe Shqipërinë, Dacic dha këtë përgjigje:
“Serbia e konsideron Kosovën pjesë të saj, ndërsa me Shqipërinë po punojmë për heqjen e ndërsjelltë të vizave”, ka shtuar Dacic.
Top Channel
