Maqedoni, PDSH-BDI, replika për lustracionin
15/09/2010 16:25
Partitë shqiptare në Maqedoni, PDSH dhe BDI janë përplasur sot lidhur me procesin e lustracionit, pas publikimit të lajmeve se një deputet i partisë së Ali Ahmetit ka qenë bashkëpunëtor i ish-shërbimeve sekrete jugosllave.
Zëdhënësi i PDSH-së, Luan Tresi ka refuzuar të publikojë emrin e deputetit në fjalë, por ka deklaruar se do t’i lihet kohë dhe mundësi komisionit për të verifikuar të gjitha dosjet.
“Nëse komisioni nuk e bën këtë, atëherë ne do të ngremë padi ndaj anëtarëve të tij dhe do të bëjmë publik emrin e deputetit të BDI-së”, ka deklaruar Tresi.
Por nga ana tjetër ka reaguar BDI, e cila ka dënuar akuzat e bëra nga partia e Menduh Thacit.
Top Channel