Thaci: Rezoluta, kapitull i ri për Kosovën
13/09/2010 11:05
Zgjedhjet në Maqedoninë e Veriut, Bujar Osmani: Jam thellësisht i nderuar dhe i përulur nga besimi dhe mbështetja juaj 25/04 13:15
Kryeministri i Kosovës, Hashim Thaçi, ka deklaruar se rezoluta paraqet konfirmim të plotë për shtetin e pavarur dhe sovran të Kosovës dhe se ajo do të hapë një kapitull të ri për Kosovën dhe Serbinë në rrugën e integrimeve evropiane.
Këto komente Thaçi i bëri pas kthimit nga Nju Jorku, duke mos saktësuar se kur do të fillojnë bisedimet Beograd- Prishtinë.
“Tërheqja nga propozimi i rezolutës së vet nga ana e Serbisë ka qenë një dorëzim, humbje që në fillim para se të hyjë në betejë. Draftrezoluta e re e sponsorizuar nga BE e përkrahur edhe nga SHBA, ishte e mirëpritur edhe për shtetin e Kosovës”, tha kryeministri, bën të ditur RTK.
Thaci deklaroi se ky dokument do të duhej të mbyllte kapitullin shekullor të konfliktit ndërmjet Kosovës dhe Serbisë dhe të hapë kapitullin e shekullit të ri, atë të bashkëpunimit ndërshtetëror mes shtetit të Kosovës dhe Serbisë dhe integrimit në NATO dhe BE.
Top Channel
