Kompania shqiptare “Star Airways” shprehet se gjithë përgjegjësinë për anomalitë e ditëve të fundit me fluturimet drejt Italisë e ka kompania “Italia Airlines”.
Drejtuesit e kësaj kompanie deklarojnë se nuk kishin marrë as një njoftim nga “Italia Airlines” për ndërprerje të fluturimeve. “Jemi kompani e licensuar vetem per shitjen e biletave. Nuk eshte hera e pare qe kjo kompani na sjell keto probleme”, shprehet presidenti i “Star Airways”, Gjergj Krali.
Ai shton se as rimbursimi i biletave nuk eshte pergjegjesi e tyre. “Nuk eshte pergjegjesia jone rimbursimi i biletave, as akomodimi i pasagjereve. I kemi cuar ne hotel dhe u kemi dhene per te ngrene e per te pire me shpenzimet tona”, thote Krali.
Prane zyrave te kompanise shqiptare “Star Airways” ka filluar rimbursimi i pasagjereve edhe pse nuk deklarohet nje shifer e sakte sesa jane rimbursuar deri tani. Nderkaq, akoma nuk dihet se kur do te fillojne fluturimet nga kompania italiane.
Top Channel
