Maqedoni, arsimi shqiptar në gjendje alarmante

01/09/2010 16:05

Arsimi shqiptar në Maqedoni ndodhet në një gjëndje alarmante, për shkak të problemeve të ndryshme që kanë përfshirë kryesisht Universitetin e Tetovës dhe shkollat e mesme ku mësohet shqip.

Denoncimi është bërë nga partitë shqiptare në opozitë, të cilat janë shprehur se duhet të përcaktohet sa më shpejt një axhendë për zgjidhjen e problemeve, të cilat sipas tyre po krijojnë pasoja tek nxënësit dhe studentët shqiptarë.

Partia Demokratike Shqiptare, sipas Telegraf ka akuzuar qeverinë maqedonase, se me veprimet e saj po dëmton rëndë arsimin në shqip në Maqedoni.

Gjithashtu, ajo ka kritikuar edhe partinë shqiptare në pushtet, BDI, për pajtimin e saj me shkeljen e të drejtave të shqiptarëve të Maqedonisë.

Top Channel