Nënë Tereza në Kosovë
26/08/2010 21:20
Vrasja e Liridona Ademajt, eksperti i Çështjeve të Sigurisë: Është liruar nga qelia njëri prej personave që shiti armën e krimit 04/05 14:12
Nënë Tereza është kujtuar edhe në Kosovë, ku 2010-a është shpallur më parë nga presidenti Fatmir Sejdiu si viti i saj.
Post Telekomunikacioni i Kosovës ka emetuar një pullë me portretin e Gonxhe Bojaxhiut, por bie në sy fakti se Kuvendi nuk ka zhvilluar asnjë seancë për të.
“Ajo këtu e ka prejardhjen sepse këtu u betua për misionin e saj, sepse nga këtu u nis për misionin e madh të humanizmit botëror dhe vendosi të ndahet nga të mirat e botës, për t’iu bashkuar të vuajturve të botës dhe natyrisht mund të themi që jemi krenar që e patëm”, është shprehur ministri kosovar i Kulturës, Lutfi Haziri.
Por ajo që vërehet është se kuvendi i Kosovës nuk ka mbajtur ndonjë seancë për të nderuar Gonxhe Bojaxhiun.
“Kosova po e feston në mënyrën më madhështore 100 vjetorin e Nënë Terezës, megjithatë kuvendi gjatë kësaj kohe është në pushim dhe fillon në ditët e para të shtatorit”, është shprehur kryetari i kuvendit të Kosovës, Jakup Krasniqi.
Top Channel
