Kundërshtohet propozimi i Dell për Kosovën
12/08/2010 19:55
BE i përgjigjet Kurtit: Masat ndaj Kosovës do të jenë në fuqi, hiqen kur ta shohin të arsyeshme vendet anëtare 02/05 16:15
Zbatimi i modelit të Tirolit Jugor të Italisë, në veri të Kosovës, model i cili ishte përmendur javë më parë nga ambasadori amerikan Christopher Dell, në një takim në Uashington, hidhet poshtë nga qeveria e Kosovës.
Sipas zëvendëskryeministrit Hajredin Kuçi thotë se, i vetmi plan për zbatim në gjithë territorin e Kosovës është ai i presidentit Ahtisarit dhe se nuk pranohet asnjë plan tjetër.
“Qeveria e Ksovës ka marrë në angazhim të zbatojë vetëm planin e presidenti Ahtisari dhe ky është një kompromis I madh që ka ruajtur balancën etnike dhe gjerografike në Kosovë. Nëse këto dy balanca prishen, atëherë nuk është normale funksionimi i këtij shteti”, është shprehur Kuçi.
Ndërkohë, zyrtarët e qeverisë sërish kanë hedhur poshtë zërat se, zyrtarët qeveritarë po zhvillojnë bisedime sekrete me Serbinë.
“Nëse dikush mendon të ketë bisedime me dikë, duhet të ketë mandat. Tema të tilla i përngjajnë balonave apo flakës në letër që ndizet shpejt dhe shuhet shpejt”, deklaroi Kuçi.
Ai ritheksoi se Kosova po përgatitet fuqishëm për Asamblenë e Përgjithshme të OBK-së më 14 shtator.
Ai tha se një delegacion i lartë do të qëndrojë në Neë York. Sipas zëvendëskryeministrit Kuçi, para fillimit të Asamblesë së OKB-së me 14 shtator, do të ketë njohje për Kosovën megjithatë, ai nuk përmendi se për cilat shtete bëhet fjalë.
Top Channel
