Bosnje, dhjetra kufoma në liqenin Perucac
11/08/2010 18:30
“Sinjale alarmi nga Ballkani… po përsëritet historia?”, DW: Duhet përgatitje për skenarin më të keq 05/05 09:59
Trupat e më shumë se 50 personave janë gjetur në një liqen nga hetuesit që kërkojnë viktimat e luftës së viteve 1992-95 në Bosnje.
Zbulimi u bë në brigjet e lumit Perucac, në kufirin mes Bosnje e Hercegovinës dhe Serbisë.
Ai është pjesë e një hetimi të drejtuar nga Komisioni Ndërkombëtar për Personat e Pagjetur në Bosnje.
Shumica e trupave dyshohet se i përkasin masakrës së kryer ndaj myslimanëve boshnjakë në qytetin e Visegradit.
Mbi 1 mijë persona u vranë nga forcat serbe në këtë qytet gjatë fushatës së spastrimit etnik, në pranverë të vitit 1992.
Gjyqtarët në gjykatën e Hagës që po hetojnë genocidin e kryer gjatë luftës në Bosnje e cilësojnë masakrën e Visegradit si një nga momentet më të rënda të fushatës së spastrimit etnik.
Top Channel
