Në prag të mbledhjes së posacme të Këshillit të Sigurimit, Rusia ka shprehur sërish qëndrimin e saj kundër pavarësisë së Kosovës.
Ministria e Jashtme ruse ka deklaruar se qëndrimi i Moskës nuk do të ndryshojë dhe është shprehur se zgjidhja e cështjes së Kosovës duhet të zgjidhet në bazë të rezolutës 1244 dhe jo me veprime të njëanshme.
“Qëndrimi i Rusisë ndaj Kosovës mbetet i pandryshuar, në mbështetje të parimit të integritetit territorial të Republikës së Serbisë dhe në mbështetje të një zbatimi strikt të rezolutës 1244. Kjo e fundit mbetet korniza e vetme ligjore për zgjidhjen e cështjes së Kosovës dhe jo shpallja e njëanshme e pavarësisë”, ka deklaruar Moska zyrtare.
Aktualisht, Rusia kryeson presidencën e radhës të Këshillit të Sigurimit dhe ka caktuar për sot takimin për cështjen e Kosovës, të cilën e konsideron një nga përparësitë e saj.
Top Channel
