![](https://top-channel.tv/wp-content/uploads/2024/06/kurti-vucic_sd-800x450.jpg)
Nuk ka vonuar shumë dhe vendimi i GJND-së që shpall legjitime pavarësinë e Kosovës ka bërë xhiron e botës, duke dalë në plan të parë në mediat ndërkombëtare.
“Pavarësia e Kosovës nuk shkel ligjin”, shkruan agjencia italiane e lajmeve ANSA, e cila në paragrafin e parë të saj shpreh gjithashtu gatishmërinë e Prishtinës për të biseduar me Beogradin dhe qëndrimin e këtij të fundit për ta cuar cështjen në OKB.
“Pavarësia e Kosovës nuk është ilegale”, thotë BBC, e cila nënvizon se vendimi i GJND-së hedh poshtë pretendimet se pavarësia përbën precedent të rrezikshëm për separatistët.
Ndërsa CNN, duke cituar deklaratën e presidentit të GJND-së shkruan: “Pavarësia legjitime”. “Deklarata e pavarësisë nga Serbia në vitin 2008 nuk shkeli ligjin ndërkombëtar”, shkruan rrjeti informativ amerikan.
Agjencive të sipërpërmendura u është bashkuar edhe prestigjozja Reuters, e cila shkruan se, “Mendimi mbi pavarësinë e Kosovës ishte pozitiv”.
Top Channel