Kosovë, Thaci: Së shpejti ligji antimafia
14/07/2010 16:25
Kryeministri i Kosovës, Hashim Thaci ka propozuar sot në mbledhjen e kabinetit të tij hartimin e projektligjit antimafia.
Ky projektligj, sipas Thacit, ka si qëllim luftën kundër krimit të organizuar dhe konfiskimin e pasurive të ngritura në mënyrë ilegale.
Zëdhënësi i qeverisë së Kosovës, Memli Krasniqi ka bërë të ditur se projektligji është ende në nivel propozimi, por së shpejti do të fillojë të hartohet dhe të kalojë në procedurat e nevojshme.
Gjatë mbledhjes së qeverisë, kryeministri Hashim Thaci rikonfirmoi angazhimin e tij në luftën kundër korrupsionit dhe dukurive të tjera negative.
Top Channel