Petrovic: Të zbardhet sulmi ndaj Miletic
08/07/2010 16:25
Ngjarje e rëndë në Kosovë, tre të plagosur me armë zjarri dhe një tjetër me thikë 01/05 17:18
Kryetari i Partisë Liberale Serbe, Sllobodan Petrovic ka kërkuar nga institucionet dhe autoritetet e Kosovës që të identifikojnë sa më shpejt autorët e sulmit ndaj deputetit të partisë së tij, Petar Miletic.
“Persona në Policinë e Kosovës më thonë se edhe në radhët e policisë ekzistojnë individë që pengojnë hetimet. Ju lutem që të ndërmerrni masa pasi nëse vazhdohet kështu edhe ato gjurmë që ekzistojnë do të zhduken”, ka deklaruar Petrovic.
Apelin e tij deputeti serb në Parlamentin e Kosovës ia ka drejtuar presidentit Sejdiu, kryeministrit Thaci dhe kryetarit Jakup Krasniqi.
Deputeti Miletic mbeti i plagosur ditën e hënë në veri të Mitrovicës nga një person i armatosur. Për sulmin ndaj tij nuk është arrestuar askush.
Top Channel
