Edhe turizmi grek në krizë
05/07/2010 09:00
Kosova vlerësim kreditor nga Fitch Raitings, Shefja e USAID tregon përfitimet dhe tërheqjen e investimeve të huaja: Moment historik 05/05 21:38
Një rënie të ndjeshme ka shënuar fillimi i sezonit turistik në Greqi përsa i përket numrit të rezervimeve nga qytetarët e vendeve kryesore që frekuentojnë shtetin grek sic janë Gjermania, Britania, Franca dhe vendet skandinave.
Sipas agjencive turistike te vendit kjo renie shkon ne masen 10 deri 15% e krahasuar me vitin e kaluar.
Shkak per kete renie sic thone ata, jane bere pervec krizes ekonomike, edhe protestat dhe grevat e shpeshta ne vend, qe sjellin si rezultat shpeshhere edhe bllokimin e turisteve ne portet apo aeroportet e vendit.
Ne qytetin e Selanikut ku sezoni fillon prej muajit Maj, pas protestave te zhvilluara ne gjithe vendin, u anuluan 10.000 rezervime dhe u shenua nje renie prej 23% ne krahasim me vitin 2009. Ne zonen turistike bregdetare te Halkidhikise tashme turistet qe mberrijne jane kryesisht ata nga vendet ballkanike dhe nga Rusia.
Por edhe ne ishujt e detit Jon gjendja eshte pak a shume e njejte megjithese pronaret e hoteleve kane filluar te bejne oferta duke ulur cmimet.Edhe vete qytetaret greke pas shkurtimit te rrogave dhe pensioneve ne kuadrin e masave antikrize, kane reduktuar ne maksimum ditet e pushimeve .
Pakenaqesia dhe deshperimi per gjendjen ne te cilen ndodhet vendi shprehet dhe ne sondazhin e fundit te institutit Kapa Reserch per gazeten ‘To Vima’, sipas te cilit nese zgjedhjet zhvilloheshin tani, socialistet do te perqendronin 23,4 % të votave,konservatoret e Demokracise se Re 15,6%, ndersa 40,1% e votuesve jane te pavendosur se ke parti duhet te mbeshtesin.
Megjithese nje nder dy greke cileson ndryshimet ne skemat e pensioneve te domosdoshme,35,5% e tyre ndjehen te indinjuar nga masat e reja antikrize,33,3% shprehen te zhgenjyer dhe 21,1% te frikesuar per te ardhmen.
Top Channel
