Shpërthimi, Serbia: Piter Feith përgjegjës
02/07/2010 19:45
Këshilli Kombëtar i Sigurisë në Serbi ka bërë përgjegjëse autoritetet ndërkombëtare në Kosovë për shpërthimin e sotëm në Mitrovicë.
“Shpërthimi i sotëm në Mitrovicë ishte një akt terrorist dhe përfaqësuesi i Bashkimit Evropian në Kosovë, Piter Feith, është përgjegjësi kryesor për atë që ndodhi”, ka deklaruar institucioni serb.
Nga shpërthimi i ndodhur me një granatë paraditen e sotme në Mitrovicë një person humbi jetën ndërsa 11 të tjerë mbetën të plagosur.
Presidenti serb Boris Tadic e cilësoi ngjarjen si një provokim ndaj paqes, ndërsa Prishtina zyrtare i kërkoi Beogradit që të ndalë provokimet.
Top Channel