Rikthehen përleshjet në Athinë

Pasi kërkuan të hiqet dorë prej reformave ekonomike qeveritare, një grup të rinjsh goditën policinë me gurë e sende të forta, kjo e fundit u përgjigj me gaz lotsjellës dhe kimikate.

Disa policë qëlluan dhe kërcënuan edhe gazetarët e shumtë të mediave të huaja që ndodheshin për të mbuluar protestat në Athinë.

Përleshjet vazhduan për gati një orë në rrugën Papnepistimiu.

Situata u tensionuar së tepërmi në sheshin “Omonia”, ku protestuesit u zhvendosen përpara shpërndarjes, por ndërhyrja e dhunshme e policisë ka bërë që edhe në këtë zonë të Athinës të nisin përleshjet trup me trup.

Mësohet se një polic është plagosur rëndë me dëmtime në shtyllën kurrizore. U desh gati një orë që ai të dërgohej në spital, për shkak se shërbimi i urgjencës ishte në grevë.

Të paktën 13 vetë janë arrestuar e dërguar në drejtorinë e policisë së Athinës, por ende nuk dihet nëse ndaj tyre do të ngrihen akuza.

Top Channel