Ahtisari: Kosova e pavarur, pavarësisht qëndrimit të GJND-së
23/06/2010 14:15
“Janë zvogëluar dallimet për dinarin”, Lajçak: Pres në Bruksel ide konkrete që të ecim para 23/04 17:36
Marti Ahtisari, ish-presidenti i Finlandës dhe fitues i Çmimit Nobel për Paqe, tha se Kosova do të mbetet shtet i pavarur pa marrë parasysh mendimin këshilldhënës të Gjykatës Ndërkombëtare të Drejtësisë mbi ligjshmërinë e shpalljes së pavarësisë së saj, i cili pritet të shpallet më vonë gjatë vitit.
“Mendoj se është e rëndësishme për çdonjërin të fillojë të kuptojë se çfarëdo që të ndodhë në procedimet e gjykatës ndërkombëtare, Kosova është shtet i pavarur dhe do të mbetet shtet i pavarur. Unë mendoj se ky është një fakt, të cilin çdonjëri duhet ta marrë në konsideratë, veçanërisht ata që kanë ambicje të përpiqen t’i bashkangjiten Bashkimit Evropian”, tha Ahtisari.
Ish-emisari i posaçëm i Kombeve të Bashkuara në bisedimet për statusin e Kosovës, Ahtisari, i bëri këto komente në selinë e Kombeve të Bashkuara në Nju Jork.
Top Channel
