Dy anëtarët shqiptarë të komisionit të hartimit të variantit të ri të enciklopedisë së Maqedonisë mund të japin dorëheqjen pasi kërkesat e tyre shpërfillen.
Lajmin e ka bërë të ditur vetë një prej dy akademikëve, Ramiz Abdyli, i cili ka theksuar se komisioni vazhdon t’i referohet enciklopedisë së vjetër.
“Aty ende zot i akademisë është kryeredaktori i enciklopedisë së vjetër. Ai shkoi në Ukrainë dhe loboi për këtë enciklopedi, ndërkohë që ne kemi kërkuar që ajo të ndalohet”, ka deklaruar Abdyli.
Ndërkohë, historiani shqiptar Beqir Meta, i cili ndodhet këto ditë në Maqedoni, ka deklaruar se kundërpërgjigjia më e mirë ndaj enciklopedisë maqedonase është përpilimi i një enciklopedie mbarëshqiptare.
“Një nga mënyrat më të mira do të ishte enciklopedia mbarëshqiptare. Mendoj se mungesa e saj është një boshllëk i madh”, ka deklaruar Meta.
Top Channel
