Ne prag te samitit te Sarajevës, ku liderë të politikës së jashtme të Ballkanit do të diskutojnë sëbashku për strategjinë integruese të rajonit, 142 organizata të shoqërisë civile nga të 6 vendet e gadishullit, iu drejtuan përmes një letre të hapur zyrtarëve në Bruksel, duke kërkuar që t’i hapet rrugë integrimit të përbashkët të vendeve të Ballkanit.
Sipas tyre, BE duhet të mendojë për nisjen e një vale të re bashkëpunimi për t’i dhënë një shtysë të re integrimit. Gjithashtu në letër theksohet se angazhimi i BE-së për një të ardhme europiane të rajonit ka dhenë fryte të medha.
“Megjithatë, deklarata e Zagrebit dhe ajo e Selanikut nuk mjaftojnë për stabilitetin dhe demokracinë dhe për këtë arsye, BE duhet të caktojë qartë etapat”, thuhet mes të tjerash në letrën e organizatave nga Shqipëria, Mali i Zi, Maqedonia, Bosnja, Serbia e Kroacia.
Top Channel
