Hyseni në KS: S’diskutojmë më për statusin
18/05/2010 11:45
Kosovë/ Arsimtarët protestojnë në Ditën e Punëtorëve, marshim në Prishtinë, thirrje qeverisë: Duam dialog për kërkesat 01/05 11:26
Ministri i Jashtëm kosovar, Skënder Hyseni ka deklaruar në seancën e zhvilluar në Këshillin e Sigurimit të OKB-së, se Kosova nuk do të negociojë më për statusin e saj.
“Nuk do të ketë negociata të reja për statusin, pasi kjo cështje ka marrë fund”, ka pohuar Hyseni, duke theksuar se nuk do të ketë as bisedime për ndarjen e Kosovës.
“Kjo nuk do të ndodhë kurrë, por bisedime mes vendeve fqinje do të ketë gjithmonë”, ka nënvizuar shefi i diplomacisë kosovare.
Deklarata e tij është mbështetur nga zëvendësambasadorja amerikane në OKB, Brooke Anderson, e cila ka theksuar se pavarësia e Kosovës është e pakthyeshme, ndërsa ndarja e papranueshme.
Por ministri i Jashtëm serb, Vuk Jeremic, i pranishëm në seancë, deklaroi se Serbia nuk do ta pranojë kurrë pavarësinë e Kosovës.
Top Channel
