Nis protesta masive e opozitës
14/05/2010 18:35
Kukës, bie prodhimi i mjaltit! Kanë ndikuar kushtet e motit dhe sëmundjet e bletëve 13/10 12:13
Nis protesta e opozitës para kryeministrisë në mbështetje të grevës së urisë që ka hyrë në ditën e saj të 14-të dhe me kërkesën e hershme për transparencën e zgjedhjeve.
Protestuesit opozitarë zbritën në bulevardin “Dëshmorët e Kombit” pasi erdhën nga zona të ndryshme të kryeqytetit.
Nga “21 Dhjetori”, nga rruga e Elbasanit, nga Zogu i Zi, nga stadiumit Dinamo dhe nga bulevardi “Zogu i Parë”, protestuesit nga qarqe të ndryshme të vendit janë zhvendosur në këmbë drejt destinacionit të paralajmëruar.
Protesta e sotme është e treta në radhë për masivitetin e saj, pas protestës së 30 prillit dhe asaj të 9 majit. Ndërkohë për cdo pasdite në këto dy javë në Tiranë janë grumbulluar në mbështetje të grevistëve të urisë, protestues nga të gjithë qarqet e vendit.
Kërkesa kryesore e opozitës është transparenca e zgjedhjeve të 28 qershorit. Ndërkohë vihet re një prani e shtuar e forcave të rendit në shesh dhe nga tarracat e ndërtesave në bulevard.
Top Channel
