Vershbow: SHBA, kundër ndarjes së Kosovës
13/05/2010 10:45
Vrasja e Liridona Ademajt, eksperti i Çështjeve të Sigurisë: Është liruar nga qelia njëri prej personave që shiti armën e krimit 04/05 14:12
Ndihmës-sekretari amerikan i Mbrojtjes, Alexander Vershbow, i cili ndodhet për vizitë në Beograd, ka deklaruar se SHBA-të kundërshtojnë ndarjen e Kosovës, ndërsa integrimet euroatlantike do të shlyejnë kufijtë.
Zyrtari amerikan, duke folur për Kosovën tha se mendimi këshillëdhënës i GJND-së në Hagë nuk do të ndikojë në statusin dhe kufijtë e Kosovës. Ai ka porositur Serbinë se duhet të fokusohet në përparimin e marrëdhënieve praktike dhe të bashkëpunimit me Kosovën.
“Mendoj se ndarja e Kosovës nuk është zgjidhje reale. Fokusi duhet të jetë sesi njerëzit nga të dyja anët e kufirit të normalizojnë jetën, të zhvillojnë tregtinë në dobi të ekonomisë së Kosovës dhe Serbisë. Mendoj se procesi afatgjatë i integrimeve euroatlantike do të shlyejë kufijtë dhe do t’i sjellë stabilitet afatgjatë tërë rajonit”, ka theksuar Vershbow.
Top Channel
