Alenca Kombëtare e ushtarakëve shqiptarë ka kërkuar që qeveria të respektojë vendimin e gjykatës kushtetuese për pensionet e ushtarakëve, mosdhënia e së cilës ka vështirësuar shumë jetesën e tyre.
“Ministria e Financave dhe e Mbrojtjes nuk zbatojnë ligjin me justifikimin absurd se është politik”, është shprehur Kujtim Cako, presidenti i Aleancës së Ushtarakëve të Shqipërisë.
Në takim ka marrë pjesë edhe presidenti i 35 shoqatave të ushtarakëve në 25 shtete të Europës, Emanuel Jakobs, i cili mbështeti kërkesat e tyre.
“Unë mbështes kërkesat tuaja. Të tilla probleme ka edhe në vende të tjera të lindjes. E rëndësishme është që këto çështje të zgjidhen në rang kombëtar dhe më pas të shikohet për një bashkëpunim në rang rajonal”, është shprehur Jakobs.
Aleanca kombëtare e ushtarakëve shqiptare është grupimi i të gjitha shoqatave me karakater ushtarak në Shqipëri.
Top Channel
