![](https://top-channel.tv/wp-content/uploads/2024/07/123545_sd-800x450.jpg)
Zotëria në fjalë nuk ka probleme mendore dhe aq më pak nuk po tenton vetëvrasjen. Ai është Bedri Jashari, kaskadori i parë dhe aktualisht i vetëm shqiptar.
Do të udhëtojmë sot në atë pak aksion që i ka lejuar vetes kinematografia shqiptare i cili, të paktën në 35 vitet e fundit është realizuar nëpërmjet këtij njeriu kurajoz dhe shumë atletik.
Për të kuptuar zgjedhjen për këtë profesion të rrezikshëm duhet të ndalojmë në disa nga rolet e tij.
“Tek Balada e Kurbinit unë kam dubluar Ema Ndojën”, tregon Bedriu.
Po kaq e vështirë ishte edhe skena ekstreme në filmin tjetër të realizuar pak vite më vonë. Për shikuesit, këtë pjesë e ka kryer aktori i njohur Ndriçim Xhepa. Në të vërtetë, njeriu që po dëmtohet atje është thjesht kaskadori ynë.
I drejtohemi urës së kataraktit në periferi të Tiranës dhe për Bedriun emocioni është jashtëzakonisht i madh dhe lotët për një njeri të fortë si ai janë të papërmbajtshme. Ky vend lidhet me një nga rolet e tij të fundit.
“Më 2 dhjetor 2007 më ka ndodhur nje aksident. Jam hedhur nga maja aty me bindjen se kishte ujë, por aty ishte beton”, flet ai në urën e Katarit.
Dëmtimet kanë qënë korniza e karrierës së tij, në një tjetër rol e ka breë të ndeshet me një qen dhe udhëtimi ynë vazhdon në kërkim të sheshxhirimeve me aksion.
“Qeni dikur ka qënë besnik me padroinin e vetë. Kur realizova skenën në fillim më kafshoi, ndërsa në dublën e dytë me iku”, rrëfen Bedriu.
Por karriera e tij lidhet me pasionet e fëmijërisë madje dhe vendxhirimet janë zgjedhur herë pas here me sugjerimet e tij, siç është ura e Brarit, vend i dashur për femijërinë e tij dhe gjithashtu i pranishëm në dublat që ai ka xhiruar si profesionist.
“Une këtu kam xhiruar dy tre filma”, thotë ai.
Në zanatin e tij ka parë shumë dhe ka hequr shumë sidoqoftë endrrat në sirtar nuk mbarojnë.
Top Channel