Ferati: Ndarja shkatërron Kosovën
08/05/2010 14:50
“Rikthehet” Gjukanovic, partia e tij fiton në Podgoricë, zbrapsen pro-serbët
30/09 14:28
Ministri kosovar i Pushtetit Lokal, Sadri Ferati ka deklaruar se nuk është në dijeni të ndonjë bisedimi sekret në radhët e bashkësisë ndërkombëtare për ndarjen e Kosovës.
I pyetur nga mediat kosovare, Ferati është shprehur se Kosova është një shtet multietnik dhe ka theksuar se si i tillë duhet të funksionojë, duke e përjashtuar plotësisht opsionin e ndarjes.
“Unë nuk jam në dijeni të një bisedimi të tillë. Megjithatë, vetëm ideja e ndarjes është shkatërrim për Kosovën. Kosova si shtet ekziston vetëm mbi konceptin e multietnicitetit dhe cdo tendencë për ndarjen e saj do të ishte tendencë e shkatërrimit, pasi s’ka arsye që Kosova të mbetet shtet me një etni”, ka pohuar Ferati.
Ai ka shtuar më tej se pikërisht tek multietniciteti qëndron madhështia, filozofia dhe shpirti i pakos së kryenegociatorit Marti Ahtisari.
Top Channel
