Beogradi, deklaratë per krimet ndaj serbëve
30/04/2010 13:15
Parlamenti i Serbisë ka hartuar një projekt/deklaratë që dënon krimet ndaj popullsisë serbe të kryera gjatë luftrave në ish-Jugosllavi.
Deklarata dënon “fuqishëm” krimet e kryera ndaj serbëve gjatë konflikteve të armatosura në Kroaci, Bosnje e Hercegovinë, Kosovë, si dhe gjatë fushatës së bombardimeve të NATO-s.
Ajo u bën thirrje edhe parlamenteve të vendeve të tjera, në vecanti atyre të dala nga ish-Jugosllavia, që të bëjnë të njëjtën gjë.
Pak kohë më parë Parlamenti i Serbisë miratoi një rezolutë që dënonte masakrën e Srebrenicës, të cilën gjithësesi nuk e vlerësoi si genocid.
Top Channel