Mercedes GP po punon për të ndryshuar disa parametra në mënyrë që Michael Schumacher të rikthehet kompetitiv qysh në garën e Spanjës.
Ish 7 herë kampioni i botës i larguar në vitin 2006 dhe i rikthyer këtë sezon, nuk po përjeton një moment pozitiv pasi në 4 garat e para ka arritur të grumbullojë vetëm 10 pikë.
Por shefi i skuadrës gjermane, Ross Brawn thotë se ndryshimet në makinë përfshirë këtu edhe shasia e re mund ta ndihmojnë pilotin gjerman të rihyjë në garën për titullin kampion. “Nuk është një shasi përfundimtare por fillimisht po testohet”, shprehet Brawn.
Në vijim ai shton se Schumi është i vendosur të rikthehet tek sukseset e së shkuarës. “Frustracionet e ndryshme po e bëjnë atë më të fortë”, shton britaniku. Cmimi i madh i Spanjës do zhvillohet në datën 9 Maj në Barcelonë.
Top Channel
