Kosova përkujtoi Ditën e Tokës
23/04/2010 09:30
Dita e Tokës në Kosovë u përkujtua me mbjellje pemësh në kryeqytetin Prishtinë dhe me aksione për pastrimin e saj.
Zyrtarët më të lartë të vendit, përfshirë edhe presidentin e Republikës, dhanë mesazhe për ruajtjen e ambjentit.
“Nuk do të ndalemi me kaq, në gjithë pjesët e Prishtinës do të bëhen aksione të tilla”, ka deklaruar presidenti Fatmir Sejdiu.
I pranishëm në këtë aksion ka qenë edhe ambasadori amerikan Christopher Dell, i cili ka ftuar qytetarët që të kontribuojnë për një ambjent të pastër.
“Sot është një ditë e vecantë për ne. Duhet të përveshim mëngët dhe të pastojmë në mënyrë që të kemi një ambjent të bukur”, ka deklaruar ai.
Nga analizat e fundit rezulton se ndotja e ambjentit në Kosovë është jashtë cdo norme.
Top Channel