Moratinos inkurajon bisedimet për në BE
20/04/2010 16:40
Prokuroria nis hetimet ndaj ish-presidentit malazez, shkak intervista e Gjukanoviç pas arrestimit të zyrtarëve 26/04 21:51
Maqedonia mund të marrë datën e nisjes së negociatave për anëtarësimin në BE brenda presidendes spanjolle.
Ka qenë ky mesazhi që i ka përcjellë qeverisë maqedonase ministri i Jashtëm spanjoll Migel Angel Moratinos, i cili po viziton Shkupin.
“Si vendi që kryeson presidencën e radhës të BE-së mund të paralajmëroj fillimin e bisedimeve. Ne do të angazhohemi për këtë objektiv dhe jam i bindur se ai do të realizohet para përfundimit të presidencës spanjolle”, ka deklaruar Moratinos.
Shefi i diplomacisë spanjolle ka shtuar se Maqedonia duhet të zgjidhë cështjen e emrit me Greqinë sa më shpejt të jetë e mundur, duke premtuar edhe angazhimin e Madridit zyrtar në këtë drejtim.
Nga ana tjetër ministri i Jashtëm maqedonas, Antonio Milloshoski ka deklaruar se qeveria maqedonase është e gatshme të intensifikojë bisedimet me Greqinë për zgjidhjen e cështjes së emrit.
Top Channel
