Australi, Vasilkovic do ekstradohet në Kroaci
30/03/2010 12:20
Gjykata e Lartë e Australisë ka vendosur që ish-oficeri i trupave ushtarake serbe, Dragan Vasilkovic, i njohur ndryshe si kapiten Dragani, të ekstradohet në Kroaci.
Lajmin e bëjnë të ditur agjencitë kroate, sipas të cilave Gjykata e Lartë e Australisë hodhi poshtë vendimin e asaj Federale, që kishte hedhur poshtë kërkesën e Zagrebit.
Pala kroate e akuzon Vasilkovic për krime lufte, të kryera ndaj ushtarëve dhe civilëve kroatë të zënë rob në vitin 1992 në Knin.
Dragan, 55 vjec, u arrestua në vitin 2006 në Australi, ku kishte fituar nënshtetësinë dhe jetuar për ca kohë me emrin Daniel Sneden.
Top Channel