Pyetësori, Berisha: Arritëm vijën e finishit
29/03/2010 18:20
Reshje shiu dhe temperatura të larta, ja si parashikohet moti këtë të martë 06/05 07:29
Kryeministri i vendit, Sali Berisha ka përshëndetur në mbledhjen e Komitetit Ndërministror për Integrimin, përfundimin e procesit të hartimit të përgjigjeve për pyetësorin e Komisionit Evropian.
“Ky është finishi i një maratone shumë të fuqishme. Zotërinj ministra, anëtarë të Komitetit Ndërministror për Integrimin, sot jemi mbledhur në takimin përfundimtar të përjavshëm lidhur me përgjigjet e pyetësorit të KE. Sot ne, pas një periudhe prej 3 muajsh, finalizojmë procesin e përgjigjes se pyetjeve”, ka deklaruar Berisha.
Kreu i qeverisë ka vlerësuar punën e bërë nga administrata shtetërore, e cila sipas tij kreu me profesionalizëm dhe përgjegjshmëri detyrën e tyre.
“Administrata shqiptare tregoi një përkushtim dhe përgjegjësi të paprecedentë në shqyrtimin e pyetjeve. Në përgjigje të problematikës që mbulon cdo fushë të veprimtarisë shtetërore dhe shoqërore. Në trajtimin e pyetjeve u angazhuan 1200 punonjës të administratës, zyrtarë të të gjitha niveleve”, ka shtuar Berisha.
Top Channel
