Michael Schumacher i ka mbyllur me tension provat zyrtare në Melbourne të Australisë ku zuri vendin e shtatë.
Por për pilotin gjerman të Mercedes GP, ky pozicion nuk është real, pasi ai pretendon se në xhiron e fundit, ferraristi Alonso i ka zënë rrugën. Pasi ka dalë nga makina ai i është afruar spanjollit duke i bërë gjeste mosaprovimi.
Ferraristi nuk ka preferuar t’i japë përgjigje por Schumi nuk e ka lënë me kaq. Ai është ankuar tek drejtuesit e garës për sjelljen e Alonsos, që sipas tij nuk ka qenë korrekte pasi mendon se ferraristi e ka penguar në kthesën e fundit duke e ngadalësuar ndjeshëm.
“Kisha mundësi të regjistroja kohën e katërt më të mirë”, tha i nervozuar Schumacher.
Top Channel
