Shqiperia dhe Hungaria kane konfirmuar ne Tirane nivelin shume te mire te marredhenieve politike mes dy vendeve.
Ministri i Jashtem hungarez, Peter Balazs, vleresoi progresin e Shqiperise persa i perket permbushjes se kushteve per liberalizimin e vizave. Megjithese shprehu mbeshtetjen e Hungarise ne kete aspekt, ministri Balazs u tregua i rezervuar te pohonte se vendimi per heqjen e vizave do te merret brenda kesaj vere.
Ai tha se nuk mund ta jepte kete mendim ne emer te 27 vendeve anetare te Bashkimit Europian, por siguroi perkrahjen e Hungarise, si ne ceshtjen e heqjes se vizave edhe per ate te integrimit europian te vendit, pasi, ne janar te vitit te ardhshem, Hungaria merr presidencen e radhes se Bashkimit Europian.
Gjate konferences se perbashket per shtyp, ministri i Jashtem hungarez, Peter Balazs bashke me homologun Ilir Meta, kane vene ne dukje domosdoshmerine e intensifikimit te marredhenieve ekonomike. Ne kete aspekt, ministri i Jashtem hungarez ka vene ne dukje interesin e sipermarresve hungareze per te investuar ne fusha te ndryshme si me energjitike, sistemin bankar, turizem dhe ndertime.
Top Channel
