Në veri të Kosovës do të hapet sot zyra e BE-së, që do të kujdeset për promovimin e vlerave ndërkombëtare në këtë zonë të shtetit të ri.
Në ceremoninë e përurimit do të jenë të pranishëm si autoritetet kosovare, ashtu edhe përfaqësues te misionit për rendin dhe ligjin, EULEX.
Zyra në fjalë, e njohur ndryshe si “shtëpia e BE-së” do të drejtohet nga ambasadori i Italisë në Prishtinë, Michael Giffoni.
BE synon kështu rikthimin në veri të Kosovës pas një mungese dy vjecare, që u shkaktua nga disa sulme që larguan stafin e tij.
Plani i kryenegociatorit Marti Ahtisari parashikonte që Zyra Civile Ndërkombëtare të kishte një seli të vecantë në veri, me qëllim zbatimin e procesit të decentralizimit dhe ruajtjen e trashëgimisë kulturore.
Top Channel