Barack Obama ka arritur triumfin e parë personal që pas uljes në kolltukun e Shtëpisë së Bardhe, pasi reforma në shëndetësi është miratuar nga Dhoma e Përfaqësuesve.
Nëpërmjet një votimi që do të hyjë në analet e historisë së politikës, teksti i Senatit mori mbështetjen e 219 deputetëve dhe u kundërshtua nga 212 prej tyre. Asnjë prej 178 republikanëve nuk votoi pro.
Celësi i këtij suksesi janë mbështetësit e fushatës kundër abortit, të cilët kanë arritur t’i marrin një premtim Obama-s në fund të momenteve përpara votimit. “Yes We Can”, slogani i fushatës së presidentit aktual, u vendos në sfond pas miratimit historik të reformës më të madhe shëndetësore amerikane.
Ky projekt përfshin në lojë edhe industrinë e prodhimit të ilaceve, e cila tashmë do t’i nënshtrohet praktikave të reja pas ndryshimit të skëmës së sigurimeve.
Për momentin, buxheti federal është i rrezikuar për shkak të rritjes se kostove mjekësore për të moshuarit dhe të varferit, por synimi i presidentit është të ulë kostot për një dekadë. Qëllimi kryesor i kësaj reforme është mbulimi me shërbime shëndetësore për 32 milionë amerikane. Shpenzimet e parashikuara për realizimin e reformës janë 829 milionë dollarë.
Top Channel
