Ballsh, protesta për kushtet e ambientit
20/03/2010 15:10
Kukës, bie prodhimi i mjaltit! Kanë ndikuar kushtet e motit dhe sëmundjet e bletëve 13/10 12:13
Rreth 300 banorë të një lagje protestuan ne bulevardin kryesor te qytetit të Ballshit, për kushtet e papërshtatshme në të cilat jetojnë.
Shkak për këtë është bërë një segment rrugor rreth 2 kilometra, i cili prej vitesh ndodhet në gjendje tejet të dëmtuar, si dhe përzierja e ujërave të zeza me ujin e pijshëm. Protesta e tyre ka nisur në qendër të qytetit dhe është drejtuar për në bashkinë e Ballshit.
Protestuesit kanë kërkuar ndërhyrjen e bashkisë për shtrimin e rrugës dhe riparimin e kanalizimit të ujrave të zeza. Banorët janë shprehur se bashkia e Ballshit duhet të mirëmenaxhoje fondet e akorduara nga qeveria shqiptare dhe taksat që ata i paguajnë bashkisë. Gjatë zhvillimit të protestës është bllokuar për 30 minuta edhe qarkullimi i automjeteve në aksin rrugor Ballsh- Tepelenë. Në përfundim të saj protestuesit janë larguar qetësisht.
Te pranishem gjate zhvillimit te protestes kane qene edhe uniformat blu te komisariatit te Mallakastres.
Top Channel
