Athinë, shpërthim pranë zyrave të emigracionit

Sipas policisë greke, mekanizmi shpërthyes ishte i përbërë nga të paktën 5 kg dinamit, të lidhura me kapsollë dhe sahat, e cila ishte e vendosur në një qese plastike. Ai ishte vendosur në stacionin e autobusit, përballë zyrave te emigracionit.

Prej shpërthimit nuk pati viktima por vetëm dëme materiale, pasi pak para shpërthimit, policia mundi të evakuojë zonën. Burime policore sqaruan se një person i panjohur, telefonoi 25 minuta përpara se bomba të shpërthente, në televizionin Alter dhe gazetën Elefterotipia, për të lajmëruar lidhur me këtë akt.

Mënyra e lidhjes së eksplozivit dhe ora në të cilën goditen terroristët gjatë dy shperthimeve të fundit që tronditën Athinën brenda 24 orëve, nuk ka të bëjë me asnjë sulm të ngjashëm me organizatat terroriste në vend.

Një ditë më parë, zyrat e organizatës se ekstremit të djathtë “Krisi Avgji”, u bënë objekt i sulmit të terroristëve. Edhe në këtë rast, mekanizmi shperthyes ishte përbërë prej 5 kilogramë dinamit.

Top Channel