FMN zbret ne Kuvend

Sikurse ka vepruar edhe here te tjera, ne prag te konferences per shtyp FMN-ja parashikon te zhvilloje sot nje takim te rendesishem me anetaret deputete te Komisionit Parlamentar per Ekonomine dhe Financat. Burime prane komisionit thone se temat e diskutimit do te jene niveli i borxhit, buxheti 2010, si dhe stabiliteti ekonomik ne teresi.

Ne fillim shefi i misionit, Gerwin Bell, do te degjoje pikepamjet e deputeteve rreth situates ekonomike qe po kalon vendi, e me pas do te ndaje me ta vleresimet mbi gjendjen aktuale, duke dhene sugjerime rreth masave qe duhen ndermarre. Nuk eshte konfirmuar ende prezenca e opozites, e cila ne takimet e kaluara ka luajtur nje rol te rendesishem ne berjen transparente te treguesve ekonomike.

Takimet me te rendesishme te FMN-se kane qene padyshim me kreun e qeverise, ministrin e Financave, dhe guvernatorin e Bankes se Shqiperise, ku pak eshte mesuar rreth permbajtjes se diskutimeve. Megjithate thelbi i debatit ka qene borxhi i larte i qeverise, krijuar me se shumti gjate vitit elektoral 2009, duke prekur nivelin prane 60 per qind. Ne seminarin e zhvilluar pak dite me pare, Bell theksoi edhe nje here rendesine qe ka borxhi ne terma afatgjata, duke sugjeruar nje nivel prej 50 per qind.

Ardhja e misionit te FMN-se ne Tirane lidhet me marreveshjen e radhes, ne kuader te artikullit IV, sipas te ciles Fondi njihet nga afer me termat e buxhetit dhe rekomandon per masat, ndersa qeveria ka lirine e plote te te vepruarit, me kushtin e mosperfitimit te fondeve me interesa te buta.

Top Channel