Pas publikimit te fatures se demeve, ku mesatarisht cdo shtepi llogaritej te kompensohej me 1 mije euro, deputeti socialist Taulant Balla deklaroi se me keto shifra qeveria po tallet me banoret, duke e cilesuar kete si permbytjen e dyte te Shkodres.
“Nese Jozefina Topalli dhe Sali Berisha kane vendosur te tallen me shkodranet, atehere permes ketij demshperblimi qesharak, mund t’ia dalin. Por te mendosh se me 1000 euro nje familje mund te riparoje demet e sjella nga nje permbytje e ketyre permasave, kjo eshte e paperfytyrueshme”, ka pohuar Balla.
Balla ka theksuar se me kete fature qeveria po i le banoret e Shkodres ne meshire te fatit dhe ka shtuar se ajo nuk po i permbahet premtimit per demshperblimin qindarke me qindarke.
“Sali Berisha, pasi e permbyti njehere Shkodren me papergjegjshmerine e tij, po tenton permbytjen e dyte, duke i lene 4312 familjet e demtuara ne meshire te fatit, duke shkelur premtimin se do t’i demshperblente keto familje qindarke me qindarke, duke u tallur per here te dyte me ata te cilet prej tij dhe Jozefines besuan se te pakten nje here se do t’u vinte mbeshtetje reale dhe jo lemosha tallese e radhes, qe nuk del per asgje”, ka shtuar Balla.
Top Channel
