Fier, FNSH-ja kontrolle ne rruge
08/02/2010 08:30
Politika shqiptare uron besimtarët myslimanë për Kurban Bajramin 06/06 08:55
Prej dy ditesh te gjitha akset kombetare qe pershkojne Fierin po perballen me nje numer te madh uniformash blu. Por perveç policise se qarkullimit dhe asaj te rendit, ne rruget nacionale kane qene te pranishem edhe Forcat e Nderhyrjes se Shpejte.
Reparti special ka ushtruar aksion ne rruget kryesore te rrethit. Ato kane qene te pozicionuara pergjate gjithe dites se shtune ne rrugen Berat-Ballsh, ne rrugen qe te çon ne Vlore, si dhe ne ate me drejtim Lushnjen.
Nderkohe qe gjate mbremjes, forcat e FNSH-se u jane afruar qendrave te banuara, duke u pozicionuar ne hyrjet dhe daljet e qytetit te Fierit. Nderkohe qe prania e tyre ne rruge eshte rikthyer paraditen e se dieles. Postblloqet e “superblindura” me police kane ndaluar automjetet me targa te huaja, si dhe makinat luksoze te prodhuara vitet e fundit.
Drejtuesit e mjaft automjeteve i kane cilesuar kontrollet e ushtruara si nje presion qe po kryhet me udhetaret, nderkohe qe nuk eshte shenuar asnje perplasje mes ketyre forcave apo dhe drejtueseve.
Keta te fundit edhe pse e kane cilesuar situaten si mjaft stresuese, serish u jane bindur kontrolleve dhe kerkesave te kryera nga policet me kapuça te zinj. Nga ana tjeter, zyrtarisht Komisariati i Policise Fier, lidhur me pranine e FNSH-se ne rruge, ka deklaruar se: “Reparti special eshte duke implementuar nje plan masash ne bashkepunim me policine e rendit. Shkak eshte rritja e sigurise dhe rendit ne rruge”.
Top Channel
