Vendi

Durres, plagosje e trefishte me arme zjarri

08/02/2010 08:25

Pas vrasjes se trefishte, nje tjeter ngjarje e rende ndodh ne qytetin bregdetar te Durresit. Pasiguria per jeten eshte kthyer ne qytet ku njerez te armatosur levizin lirisht duke u shfaqur ne ambiente publike dhe cenuar rende rendin e sigurine.

Mbremjen e se dieles ne zonen e plazhit, ne lagjen 13 te qytetit kane mbetur te plagosur 3 persona. Burimet policore kane mbajtur te fshehur identitetin e te plagosurve, ndersa burime nga spitali i Durresit bejne te ditur se nje nga te plagosurit eshte nje djale i ri, ndersa dy te tjeret jane rreth te 50-ave.

Ngjarja e rende ndodhi ne afersi te nje pike karburanti qe ndodhet buze rruges se plazhit pa mberritur ne sektorin “Hekurudha” te tij. Dy persona mesohet se kane qelluar me arme zjarri tre shtetasit, qe kane qene se bashku, dhe me pas jane larguar me shpejtesi nga vendi i ngjarjes duke lene pas gjak dhe gezhoja plumbash.

Te plagosurit jane derguar ne spitalin e Durresit ku behet e ditur se te tre jane jashte rrezikut per jeten. Plumbat i kane kapur ne gjymtyret e poshtme dhe paraprakisht po hetohet per nje plagosje paralajmeruese. Policia eshte treguar mjaft e rezervuar mbi ngjarjen, ndersa burime nga grupi hetimor pohojne se autoret jane identifikuar dhe jane ngritur postblloqe per kapjen e tyre.

Autoret kane hyre ne lokalin ku ndodheshin tre personat dhe kane qelluar mbi ta. Gezhojat e plumbave jane gjetur edhe jashte ambienteve te lokalit, ndersa ne krejt zonen perreth qe eshte nje lagje e banuar e qytetit, perpos se nje vend pushimi, njerezit jane tmerruar nga te shtenat. Forca te shumta policore jane angazhuar ne kapjen e autoreve dhe grupi hetimor ne zbardhjen e rrethanave dhe motiveve te ngjarjes, ndersa deklarimet mbi ngjarjen jane lene per ne nje kohe tjeter duke e veshur edhe me me mister kete plagosje dhe ruajtjen e identitetit te personave qe u bene objekt i shenjestres se nje arme zjarri.

Top Channel