Berisha: Skavica me forcat tona

Kryeministri Berisha lajmeroi ne mbledhjen e qeverise ndertimin e hidrocentralit te Skavices, i cili pritet te kushtoje 500 milion euro.

Kompanite e huaja qe kishin shfaqur interes per nje sipermarrje koncesionare jane terhequr per shkak te krizes financiare nderkombetare. Ndaj per ndertimin e Skavices, me nje kosto te ngjashme me rrugen Durres-Kukes, doren ne xhep do ta fuse qeveria:
 
“Pasi te perllogariten te gjitha, kosto, projekti, – kostoja e ka vleren minimale prej gjysem miliarde euro, apo edhe me shume – ne rast ekstrem mund te pranohen edhe aksionere te tjere, po ku qeveria te kete rol lider dhe pastaj qeveria do te vendose nese do ta ndertoje KESH dhe qeveria do te dale garante per kredine, apo do ta ndertoje qeveria direkt me fonde te buxhetit”, tha Berisha.

Pergatitja e projektit do te pakten 1 deri ne 2 vjet. Kjo sipas kryeministrit i jep kohe qeverise te vere ne rruge te mbare projektet e tanishme ne infrastrukture:

“Deri atehere edhe projektet do te jene futur ne rruge te mbare, une nuk them se do te mbaroje, por brenda ketij mandati ta fillojme dhe ne mandatin e ardhshem ta shnderrojme ne vepren kryesore infrastrukturore ne vend”, tha Berisha.

Projekt i vjeter 30-vjecar, Skavica do te ndertohet ne krye te kaskades se Drinit. Sipas kryeministrit ky hidrocentral do te rregulloje tere kaskaden, duke e cuar deri 700 mln kW/h prodhimin e energjise nga te tere hidrocentralet mbi lumin Drin. Po ashtu, sipas shefit te qeverise, ndertimi i hidrocentralit te Skavices zbut ne menyre te ndjeshme mundesite e permbytjeve te medha ne zonen e Nenshkodres.

Top Channel