Cmimet rekord te naftes gjate vitit 2008, per habi te te gjitheve, nuk i bindi shqiptaret te ulin konsumin e mallrave te forta si cigaret dhe karburantet, por kriza ekonomike e vitit 2009, po.
Sipas te dhenave te Drejtorise se Pergjithshme te Doganave, per here te pare ne shume vite, importi i karburanteve ne sasi shenoi renie me 1.1 per qind gjate vitit te kaluar. Ne Shqiperi u importuan gjithsej 432 mije tone nafte, nderkohe qe ne vitin 2008 qene importuar 437 mije tone.
Renia e konsumit duket se eshte me e madhe se kaq po te llogaritet edhe sasia e naftes e perpunuar ne vend, por keto te dhena nuk jane ende te disponueshme. Gjate viteve te shkuara, importet e karburanteve ne Shqiperi jane rritur pothuajse gjithmone me dy shifra.
Ne vitin 2007, sasia e naftes se importuar u rrit me 16 per qind, ndersa ne vitin 2008 u rrit me 4.4 per qind. Duke marre parasysh se investimet publike kane qene te larta, ndersa fushata zgjedhore konsumon shume nafte, sasia reale e naftes te konsumuar nga pjesa e ekonomise qe nuk i mbulon shpenzimet nga buxheti i shtetit, duket se ka rene ndjeshem.
Se bashku me renien e importeve, eshte rritur edhe sasia e taksave qe shqiptaret kane paguar per kete produkt. Gjate vitit 2008, taksat e paguara ne dogane nga importuesit qene te barabarta me 85.4 per qind e vleres, ndersa ne vitin 2009, taksat arriten ne 113 per qind te vleres, niveli me i larte i regjistruar ndonjehere.
Edhe importi i cigareve ne sasi pesoi renie gjate vitit te kaluar, por te dhenat e doganave paraqesin nje rritje te konsiderueshme ne vleren e tyre. Keshtu, gjate vitit 2009 u importuan 4064 tone cigare me renie 4 per qind kundrejt vitit 2008 kur qene 4235 tone. Cigaret e importuara gjate vitit 2009 sipas doganes pati vlere te pergjithshme prej 8 miliarde leke me rritje 17.5 per qind kundrejt vitit paraardhes. Rritja e vleres se cigareve te importuara lidhet pjeserisht me zhvleresimin e lekut dhe pjeserisht me rritjen e perdorimit te cmimeve reference ne praktikat doganore.
Top Channel
