Kompania e naftes “Albpetrol” sh.a., nuk ka paguar detyrimet tatimore ndaj Komunes Zharrez.
Behet fjale per tre taksa qe kjo kompani duhet te shlyente gjate vitit 2009 e qe ne fakt i ka neglizhuar. Taksat e kompanise se naftes perbejne zerin kryesor te te ardhurave te komunes dhe konsiderohen si burimi kryesor i fondeve te investimeve.
Duke mos u vjele si taksa, komuna nuk ka mundur te realizoje investimet e parashikuara per vitin 2009, madje ka vene ne diskutim edhe investimet e vitit 2010. Hamit Gremi, pergjegjes i taksave ne Komunen Zharrez, eshte shprehur se debitorja me e madhe e komunes eshte kompania e naftes “Albpetrol” sh.a.
Sipas Gremit, kompania nuk ka paguar taksen e nderteses, ate te pastrimit, si dhe taksen e tabeles. Brenda territorit te Komunes Zharrez, komunes qe ndodhet rreth 8 km larg nga Fieri dhe vetem 2 km larg nga qyteza e Patosit, ndodhen me dhjetera zona naftembajtese dhe naftenxjerrese. Duke qene se nje pjese e madhe e zones se shfrytezueshme nga “Albpetrol” sh.a., i perket kesaj komune, kjo e fundit duhet te perfitonte nepermjet taksave.
“Gjate vitit 2009 nuk eshte paguar asnje nga tre taksat. Vetem per vitin 2009 kjo kompani na ka borxh 1.2 milione leke. Me gjithe kerkesat dhe komunikimet zyrtare qe komuna ka pasur me kompanine e naftes, nuk eshte arritur vjelja e ketyre taksave. Automatikisht per tremujorin e pare te vitit 2010 kompania “Albpetrol” konsiderohet debitore dhe si e tille ajo do te perballet ne rruge ligjore me komunen”, ka thene pergjegjesi i Tatim-Taksave ne Komunen Zharrez, Hamit Gremi.
Top Channel
