Partia Socialiste ka akuzuar kryetaren e Kuvendit, Jozefina Topalli se ka thyer rregulloren e Parlamentit te Shqiperise duke demtuar imazhin e vendit, ne lidhje me perfaqesimin e delegacionit parlamentar shqiptar ne Strasburg.
“Ne demokraci politikat me inat dhe politikat e diversionit nuk ka sesi te funksionojne. Zonja Topalli mese njehere e ka kryer kete detyre me se miri duke demtuar imazhin e vendit. Ajo i eshte kthyer politikave te diversionit me opoziten, duke shkelur njeherazi rregulloren, jo vetem te Parlamentit te Shqiperise, por edhe rregulloret e Asamblese Parlamentare te Keshillit te Europes. Ajo cfare ka ndodhur sot ne Strasburg, pervecse i perkeqeson gjerat, nuk sjell asgje ne dobi te zgjidhjes se krizes”, ka deklaruar deputetja Arta Dade.
Nderkohe qe zedhenesja e Parlamentit ka hedhur poshte keto akuza, duke sqaruar se rregullorja eshte respektuar dhe se perzgjedhja e zotit Islami si anetar i PS-se ne delegacion eshte i ligjshem.
“Rregullorja e Kuvendit te Shqiperise per delegacionet parlamentare eshte zbatuar pike per pike. Deri ne momentin e verifikimit te kredencialeve, zoti Kastriot Islami ka te drejte te ushtroje te gjitha atributet si pjesetar i Delegacionit te Asamblese se Keshillit te Europes. Kerkesa e PS eshte false dhe e pabazuar edhe per faktin se, nese ne legjislaturen e kaluar Partia Socialiste kishte vetem nje vend si anetar dhe nje vend si zevendesues, kesaj radhe asaj i eshte lene vendi i anetarit dhe dy vende si zevendesues”, ka deklaruar zedhenesja Suela Ruseti.
Top Channel
