Shefi i Drejtorise se Emergjencave Civile, Alfred Olli ka deklaruar se situata ne veri-perendim te vendit pas reshjeve qe shkaktuan permbytjet masive po kthehet ne normalitet.
Ne nje interviste per VOA, Olli eshte shprehur se strukturat shteterore jane vene ne levizje per kontrollin e kushteve sanitare dhe per vazhdimin e shperndarjes se ndihmave.
“Ka nje rifillim te jetes normale. Po vijon kontrolli i Ministrise se Shendetesise per cilesine e ujit te pishem, kushtet e higjenes, etj. Gjithashtu, jane siguruar ushqimet per gjene e gjalle. Pra, deri ne fund te muajit mars banoret do te shfrytezojne ndihmat e shtetit”, ka pohuar Olli.
Sipas tij, ka nisur edhe puna per vleresimin e demeve te shkaktuara nga vershimi i ujit, me qellim kompensimin sa me shpejt te banoreve.
“Komisionet kane filluar punen qe diten e djeshme, sot u zyrtarizua nisja e procesit te vleresimit. Jane 180 personat qe do te angazhoje shteti shqiptar per kete proces. Do te kete kryesisht nderhyrje ne infrastrukture. Presim te arrijme rezultatin maksimal brenda dy javesh”, ka theksuar Olli, i cili ka sqaruar edhe se si do te behet kompensimi.
“Per percaktimin e kompensimit do te marrim vleresimin e keshillave vendore, qe do te percillen ne Ministrine e Brendshme dhe me pas Keshilli i Ministrave do te akordoje fondin e posacem”, ka shtuar Olli.
Top Channel
