Informaliteti, “shpetimtari” i krizes

“Vendet europiane qe kane evazion te larte fiskal dhe ku trafiqet e jashteligjshme jane te perhapura gjeresisht jane prekur me pak se sa fqinjet e tyre te ndershem,” thote raporti i Bankes, i cili ka zene vend edhe ne gazeten e njohur financiare “Financial Time”.

Ne raport thuhet se rasti me tipik eshte ai i Greqise, qe konsiderohet si nje nga ekonomite me informale te Bashkimit Europian. Greqia u etiketua fillimisht si nje nga vendet qe u prek me fort nga kriza.

Financat e shtetit grek jane ne krize te plote. Por pertej kesaj situate te zymte , ekonomia greke ka rene me vetem 1 per qind, kur mesatarja e tkurrjes se vendeve te BE-se ka qene 4 per qind.

Ekspertet e shpjegojne kete me faktin se parate e fituara ne menyre informale nuk mund te kanalizohen ne sistemin banker, keshtu qe ato shkojne ne pjesen derrmuese te tyre per konsum, duke rritur kerkesen ne treg dhe ne kete pike i vetmi humbes eshte shtetit.

Por per surprize ne nje tjeter ekstrem raporti ka gjetur gjithashtu se edhe vendet qe kane disipline shume te larte fiskale, si Hollanda, Austria dhe Franca, jane prekur me pak nga kriza.

Sipas “Deutsche Bank” vendet qe kane pesuar goditjet me te forta te krizes jane ato, ku ekonomia informale ekziston, por jo ne nje shkalle te gjere si rasti i Gjermanise.

Ekspertet e “Deutsche Bank” kane perllogaritur se niveli me i pafavorshem i ekonomise informale eshte 14.3 per qind dhe Gjermani eshte ne shkallen me te keqe te mundshme, ku ekonomia informale llogaritet ne rreth 14.6 per qind te GDP.  

Ndoshta transaksionet kesh, trafiqet dhe shmangiet nga taksat mund te kene qene celesi i suksesit edhe per ekonomine shqiptare, e cila eshte e vetmja me rritje ne Europe, se bashku me Polonine, sepse po te jete per informalitetin Shqiperia qendron ne top listen e vendeve europiane.

Top Channel